Кеча Эрон пролигаси иштирокчиси "Зоб Ахан"га қарши майдонга тушган жамоамиз 1:2 ҳисобида имкониятни бой берди.

Учрашув тенг курашлар остида ўтди. 36-дақиқида Артур Геворкян ўзи ишлаган пенальтини бажаришда хатога йўл қўйди, лекин дарвозабон қайтарган тўпга биринчи бўлиб етиб келган Санъат Шихов ҳисобни очди. Орадан етти дақиқа ўтиб, ОЧЛнинг ўтган мавсумдаги финалчилари ҳисобни тенглаштиришди. Ўйин 1:1 ҳисобида якунига етадигандек кўринган бир ҳолатда эронликлар охирги дақиқаларда ғалаба тўпини киритишди. Шу тариқа иккинчи назорат беллашувида кичик ҳисобда мағлубиятга учрадик.
Майдонга тушган таркибимиз билан қуйида танишинг:
Рибкин, Суюнов, Кримец, Исматуллаев, Холмуҳаммедов, Шихов, Ўрунов, Махарадзе, Геворкян, Каримов, Абдухолиқов.
Захирадан тушганлар: Магдеев, Холмуродов, Сергеев, Козак, Камолов, Жадигеров, Р.Аҳмедов.
Биринчи баҳсда "Ал Таун"га қарши ўйнаган таркибимиздан ҳам кечроқ бўлсада, хабардор қилиб ўтишни лозим деб топдик.
"Пахтакор": Рибкин, Суюнов, Исматуллаев, Кагиров, Холмуҳаммедов, Шихов, Махарадзе, Ўрунов, Баҳриддинов, Камолов, Абдухолиқов.
Захирадан тушганлар: Каримов, Сергеев, Шарофетдинов, Кримец, Козак, Геворкян, Жадигеров, Холмуродов, Турсунбоев.